肥佬心事
极寒的"双王"文，看到叶问4海报想到的，笔者脑洞清奇写着玩的。
「这世上最懂你的，也许是最不像你那个的人。」
油麻地呢家戏院依旧有通宵午夜场放。宜家隔音设备够fit，再唔似当年乒零乓啷嘅枪战声，通街都听得到。
肥佬今宵独自来睇戏，佢冇揸车，佢嘅车牌好多狗仔都识，多一事唔如少一事。
佢睇嘅系最近当旺嘅新戏——『一代宗师』，据讲中环嘅黄牛飞炒至300蚊一张。痴线，又唔系松岛菜菜子嘅爱情动作片，佢才唔好做水鱼。
香港人，乜嘢都系追风。追名牌追潮流，成帮影评人赞句“‘申奥’片，冇睇即错过今年度最佳国片”，再加上八卦周刊连番“揭秘”，便个个好似大陆抢盐咁抢飞……实情系花假繁荣。
『一代宗师』肥佬睇到散场。
夜麻麻11点，佢睇到字幕收尾，直至个清洁阿婶拿杏眼睃佢。功夫片嗰场，连个清洁阿婶都咁冇好气。
但有句讲句，十年磨剑，嗰个人果然系犀利。
“……八八年至今，我第一次心服口服。”肥佬边走边飞咗条微博，每一条胖纹都笑得蔫精鬼俐。
出门时佢撞到个烂仔，嗰条友搂咗条女由隔壁厅出嚟，嗰个间放嘅系肥佬嘅新作『新旺角揸Fit人』，真嘅系应景。
“死鬼难睇！都唔知系乜人拍嘅！一点都唔写实！”票根被嗰个后生仔撕开丢掉，十足掟TT嘅手势。
正所谓，有人成咗宗师有人成咗飞发师。
肥佬并无肉痛，佢宜家依旧有行有市，话佢影烂片嘅都系耍把口嘅衰人。
佢只喺想八八年嘅事。系啊，一九八八年，究竟发生咗乜事令佢宜家仲记得？肥佬想得有些眼跳，佢搭上巴士，风继续吹。
肥佬系世家出身，佢爹地系杜大炮嘅恩师王天林，父子双肥影人1+1。佢嘅爹地去年过咗身，临终前拖住肥佬嘅手，一直咕哝嗰句——“仔呀，拿奖系命，无需强求。”
肥佬当然冇嗰个人嗰样好命，拍基片都掿到康城最佳导演，捧奖捧到手软。
赌片同埋笑片嘅黄金期已过，边度仲有人记得茵女淑珍阿敏呢啲靓女都系佢发掘出嚟，发哥华仔家辉呢啲大牌个个都同佢合作过。即便系星星嗰条反骨仔，亦同佢挞出过深火花。乜嘢“票房之王”、 乜嘢“无冕之帝”，观众只识得边笑边骂佢cheapper、more cheapper。
呢啲人，统统都似脂粉佬般薄情。
由巴士上望出去，『一代宗师』嘅宣传灯箱真系到处都系。
肥佬记得嗰个人系理大出身，做平面嘅，唔怪得中意玩些花巧文艺嘅嘢。
唔过少有人知，肥佬都系港大中文系毕业，都系高材生来嘅。
初初两个学校搞联谊，佢听闻理工有个高佬学弟，上海人来嘅，好鬼有才，未毕业就有大把The top’s 广告公司搵佢入伙，肥佬都好想认识佢。
毕业嗰年肥佬自己写了个剧本，鸳鸯蝴蝶派，结构人物都系字斟句酌。佢冇同人讲佢系王天林嘅仔，直至嗰个放贵利出身嘅老细一沓飞纸掟晒佢面：“拳头+枕头，肥仔你明唔明？”
返屋企后肥佬想足两日，佢老豆由片场返来，睇佢嘅衰样唔温唔火道：“哎呀，娱乐片一样冇少花工夫，同艺术片都系有好电影。”
若干年后，肥佬拍咗『最佳损友』、『精装追女仔』……嗰个人拍咗『旺角卡门』、『阿飞正传』，此后一鸣惊人、异路唔相逢。
有嘅人生来便有贵人相助，你唔服唔掂。
肥佬一年拍十部片嗰阵，嗰个人仲喺拖戏磨洋工。一部『东邪西毒』内容涩到发昏，票房扑街，偏有条友替佢补窟窿。两条友还在彼此电影里玩桥致敬，骨痹到肉酸。
乜嘢“后现代解构”，肥佬觉得嗰个刘镇伟宜阵比佢还食老本冇口齿，哼。
你戴副墨镜就系大师，我肚腩凸出就系咸湿，以貌取人对嘅话，猪扒点解还会有人食？
肥佬返家好气，佢睇到楼下看更阿叔手里嗰本『爆周刊』，又拍到佢与新片里嘅靓女model影相，角度睇上去就似佢睇住对方嘅波！长相猥琐唔等于行为猥琐啊大佬！
肥佬冲咗凉上床，佢醒咗好久才睡着，梦里一句“世间所有相遇都系久别重逢”，惊出佢一身冷汗。
佢起身洗把脸，镜子里仿佛睇到一九八八年嘅自己，着西装去捧场嗰个人嘅『旺角卡门』。
佢其时正当红，而对方只是新生导演来嘅。
佢好嗨，带少少得意，佢想嗰个人今次应该会主动同佢握手、求结识佢。
但喺后台，经埋张同祖拉线，嗰个人仍旧系咁酷咁疏远，把自己匿埋墨镜里。
肥佬猜佢系生针眼，但佢听到佢讲：“王导演是一个很好的编剧，很高兴认识你。”
就系呢句话，令肥佬觉得着西装嘅自己似个超龄童军般雀跃开心。
肥佬又失眠了。
佢发咗会呆，之后从床头抽屉里取出副墨镜戴上，不消一刻便能好眠。
佢唔系变态，佢只系有某种心绪，连佢自己都唔明。
世界上最远嘅距离，唔系万水千山我追着你我中意你，而系隔着一副眼镜，你系王家卫，而我系王晶。
The end
评论(2)